Актив Зууч 9-р сургуулийн ивээн тэтгэж хувцас гардуулаж өглөө

Монгол Улсын Ерөнхийлөгчийн ивээл дор зохион байгуулагдаж буй 6 дахь удаагийн “Дуулиан-2020” тэмцээн 2011 оны 11-р сард эхэлсэн. Одоогоор багууд хэсгийнхээ эхний 2 тойргийн тоглолтуудыг хийгээд дууссан. Үүнтэй холбогдуулан жил бүр ивээн тэтгэгчээр оролцдог Актив Зууч компаний хамт олон “Дуулиан-2020” тэмцээнд 5 дахь жилдээ оролцож байгаа СХДүүргийн 9-р сургуулийг ивээн тэтгэгхээр болсон. 9-р сургууль нь өнгөрсөн жил шөвгийн 8-д үлдэж байсан амжилттай баг ба энэ жилийн тэмцээнд 17 насны ангилалын нэг багтай оролцож байна. 2012 оны 1-р сарын 8-ны өдрийн 13:00 цагт Актив Зууч компаний дэд захирал Г.Эрдэнэболор багийнхаа тоглолтын өмнө хүүхдүүдэд иж бүрэн тоглолтын хувцас бэлэглэсэн байна. Шинэ хувцастайгаа тоглосон 9-р сургуулийн хүүхдүүд тухайн тоглолтондоо 104-р сургуулийг 7:4-ийн харьцаатайгаар хожиж хэсгээ тэргүүлж эхэллээ.

Ивээн тэтгэгч нар “Дуулиан-2020” тэмцээнд нэмэгдсээр байгаа ба жил бүр уламжлалт болгон зохион байгуулдаг “Дуулиан-2020” ивээн тэтгэгч нарын тэмцээн 2012 оны 1-р сарын 14-15-ны өдрүүдэд Мон-Алтиус БТДС-ийн зааланд явагдах гэж байна. Хүүхэд, залуучууд та бүхэн тухайн өдрүүдэд ирж ивээн тэтгэгч байгууллага, хамт олноо дэмжээрэй.